Ի՞ՆՉ Է

Վերջին տասնամյակում «Դասավանդի՛ր Հանուն Հայաստանի»-ի հիմնական ծրագիրում ներգրավված են եղել ավելի քան 30,000 աշակերտ Հայաստանի և Լեռնային Ղարաբաղի (Արցախի, 2017-2023 թվականների ընթացքում) համայնքներում՝ ձևավորելով երիտասարդ առաջնորդների շարժում, որը նվիրված է իրենց համայնքների զարգացմանն ու վերափոխմանը։

Մեր աշակերտների նախաձեռնած նորարարական նախագծերի շնորհիվ ձևավորվել է ավելի քան 500 աշակերտական խումբ, որոնք իրոնց համարձակ գաղափարներով ուղղված են տեղական նորարարության, քաղաքացիական պատասխանատվության և համաշխարհային կապերի ամրապնդմանը։ 2021-2022 ուսումնական տարիներին մեր աշակերտները հաջողությամբ իրականացրել են 150 համայնքային նախագիծ Հայաստանի և Լեռնային Ղարաբաղի տարբեր բնակավայրերում՝ ցուցադրելով իրենց ստեղծագործական մոտեցումը և դրական փոփոխություններ իրականացնելու վճռականությունը։

2022 թվականի սկզբին մեր ուսուցիչներն ու սովորողները նախաձեռնել են ազգային մակարդակի դրամահավաք արշավ, որի շնորհիվ հավաքվել է ավելի քան 40,000 ԱՄՆ դոլար՝ աշակերտների նախաձեռնած նորարարական նախագծերը կյանքի կոչելու համար։ Այս ձեռքբերումը ոչ միայն ընդգծեց աշակերտների առաջնորդության ուժը, այլև ցույց տվեց, թե ինչպես կարող են համատեղ ջանքերը բերել իրական, դրական և երկարատև փոփոխությունների։