«Փոփոխությունների վրա հիմնված ուսումնառությունը» «Դասավանդի՛ր Հայաստան»-ի հեղինակային մոտեցումն է՝ միտված աշակերտների առաջնորդության և նորարարական մտածողության զարգացմանը։  Ստորև ներկայացված են մոդելի հինգ փուլերը։

Ցայսօր մեր հիմնական ծրագրի շնորհիվ աշխատել ենք ավելի քան 30,000 աշակերտի հետ և աշակերտական խմբերից ստացել ենք մոտ 500 համայնքային նախագծեր՝ միտված հնարամտության,  ստեղծարար մտքի և քաղաքացիական պատասխանատվության զարգացմանը, ինչպես նաև համաշխարհային պրակտիկայի հետ փոխկապվածության խթանմանը։ 

Մեր աջակցությամբ միայն 2021-2022թթ. ուսումնական տարվա ընթացքում աշակերտները նախագծեր են իրականացրել Հայաստանի և Արցախի ավելի քան հիսուն համայնքում։ 2022թ.սկզբին մեր ուսուցիչները քրաուդֆանդինգի արշավներ են ձեռնարկել, որոնց արդյունքում աշակերտները հավաքել են մոտ 40,000 ԱՄՆ դոլար՝ իրենց իսկ ղեկավարած նորարարական նախագծերն իրագործելու նպատակով՝ եռապատկելով մինչև այդ արվածների թիվը։ Ստորև կարող եք տեսնել իրականացված ծրագրերից մի քանիսը։